Teka muna..

Nung edad 16 ka, anu-ano ba ang mga pangarap mo?

Tila yata nayanig na ang kalmadong mundo pagpasok ng milenyo. Biglang nag-iba na ang takbo ng isip ng ating mga kabataan o baka naman tumatanda na talaga ako? At mashadong mahalay na para sa akin ang makarinig ng Aylabyuhan sa pagitan ng mga Nene at Totoy edad disi-otso pababa sa mga social network sites at helloo sa PERSONAL?

Ako lang ba? O totoo na talagang ITO na ang mundong kalalakihan ng munti kong anghel?

Sandali lang.

Bakit?

Papa’nong….

Hey! Mga bata! Mga Ineng! Mga Totoy! Maghunus-dili kayoo. Please. Kumalma muna kayo.

Ito ba ang bunga ng mga napapanood n’yo sa telebisyon? Na ang unahin n’yo sa listahan ng mga pangarap n’yo ay MAKAHANAP NG FOREVER??

Sandali lang. Umupo ka muna. Alisin mo muna sa pagkakayakap jan sa “mahal” mo ang mga kamay mo at makinig ka.

Bata ka pa. 

Pag-aaral muna ang atupagin mo.

Isang beses ka lang magiging ganyan ka-bata sa buong buhay mo. Bakit hindi mo muna samantalahin ang mga mahahalagang panahon na yan para ienjoy katulad ng ibang dalaga’t binatang kasing –edaran mo? Na hindi kailangan magmadali sa paghahanting ng ‘mahal.’ O kung merong ganun, hindi muna seryosohan. Wala pa dapat sa isipan ninyo ang pakikipag-relasyon dahil sa totoong buhay, sa mura n’yong edad, marami pa kayong dapat matutunan.

Mahaba pa ang byahe n’yo, wala pa nga kayo sa umpisa ng karera kasi dapat ineenjoy nio muna yang parte na yan. Ang highschool life. Kasi yan ang pinakamasayang mga taon sa buhay ng isang teen-ager. Alam namin yan at kung magkakaron lang ng pagkakataon, gugustuhin naming ulit-ulitan yan.

Hindi kayo pinaaalalahanan ng mga magulang n’yo kasi KJ lang sila. Kasi ang totoo, marami na silang karasanan ng pagkakamali na ayaw nilang pagdaananan ng mga anak nila.

Kung marami man ang naglalike sa mga post ninyo na sweetness at sobrang in-love, kasi ang totoo masaya sila para sa inyo pero hindi kayo nakaka-inggit.

Ang nakakainggit ay yung mga nakatapos at may mga pangarap na gustung abutin bukod sa lovelife.

Yung mga hinahabol ng mga kumpanya pagka-graduate.

Yung may mga maganda at stable na career.

Yung mga kalmado lang at ineenjoy ang buhay single na mas inuunang ikutin ang mundo, kesa maghanap ng magpapaikot sa mundo nito.

Oo, andun na tayo. Mashado nang overrated ang issue ng Forever. Kung meron mang pinalad na makahanap nyan sa murang edad, pakitanong mo kung hindi sila nahirapan at kung nakapaghain ng pagkain sa mesa ang pagmamahalan at nakapagpasok ito ng pera sa bulsa. Pwede mo rin itanong sa kanila na kung may pagkakataon silang baguhin ang mga pangyayari sa buhay nila, ano at bakit. At pakinggan mong maigi ang isasagot nila.

Oo, andun na tayo. Masarap ma-in love. Lalo na kung narating mo na at naabot ang mga pangarap mo. Ang sarap nyan i-share sa mahal mo.

True love can wait.

Love can wait.

At marami nang napahamak sa pagmamadali.

Kung sa tingin mo, nahanap mo na. Siya na nga ang forever mo at kung mahal ka nga niya, maghihintay siya. Sa tamang panahon. Na hindi pa ngayon.

Maglakbay ka muna. Marami ka pang dapat subukan at maranasan. At pag natapos mo na ang mga dapat mong gawin, saka mo tuparin ang pangako mo sa totoong nagmamahal sa’yo na hinintay ka para sa tamang panahon.

Sa tingin ko, sa ganyang paraan, magiging mas kahanga-hanga ka pa. 

Advertisements

Ano’ng napala mo? Ha?

Isa sa pinaka-pahiyang marami sa buhay ng tao ay yung mahuli ka on the spot at wala kang kalaban-laban. (I know, right.)

Yung lilingon ka pakanan-pakaliwa pero wala kang makitang pwedeng sisihin kundi ikaw. Ang sarili mo. Kaharap ang nakahuli sa’yo na ang tangi mo na lang pwedeng gawin ay ang yumuko.

Yumuko sa kahihiyan. Tumahimik. Humimlay.

At yung katotohanan na yung iniingat-ingatan mong tiwala niya sa’yo, eto ngayon, basag-basag sa pagitan ninyong dalawa. At tahimik kang humihiling na sana. SANA HINDI NA LANG NANGYARI ‘TO.

Abot-hininga. Ang lakas ng kabog ng dibdib mo. Di mo sure kung ang next move nito ay yung pisikal na. Ano bang gagawin ko, tanong mo sa sarili habang nagddrumroll ang pintig ng puso mo.

Shit kasi. Ang tanga ko. Bakit di ko naisip agad yun?

Imbes na pagsisihan ang ginawa, mas naiisip mo pa kung bakit hindi mo naagapan na mahuli ka. Eh di sana wala ka sa posisyon na ito. Gisado.

Nakakainis no?

Samantalang nung enjoy na enjoy ka habang nakikipaglandian-huntahan o kung ano-ano pang pwedeng itawag jan eh hindi mo naiisip na baka lang. BAKA LANG biglang magbiro sa’yo yung mga demonyong kalaro mo at finally, mahuli ka na sa kalokohan mo.

Meron ka bang PLAN B? Like alam mo ba ang eksplanasyon dito pag na-hotseat ka? Naisip mo bang pwedeng mangyari yun sa’yo. One time. Jackpot prize. House and lot. Sa Sementeryo.

O, bakit ngayon natatakot ka na? Kinakabahan. Di mo kasi pwedeng sabihin o kahit sa hinagap na isipin at umarteng parang hindi ito nangyari. Parang walang nangyari. Di mo pwedeng itago ang katotohanan na lumandi ka o nakipaglandian ka ng panakaw lalong lalo na kung huling-huli ka pa. Di ito file sa cellphone/computer na pwede mo lang bastang i-delete. And it will just go away…

You wish.

Sa totoong buhay, pag nahuli ka. Lagot ka. There’s no other way out.

Tanga ka eh. Gago ka. Sarili mo lang ang iniisip mo. May utak ka sana ginagamit mo. Kaya wag kang umangal kung mahirap. Kung nakakainis na at kung nakakarindi na.

Magpasalamat ka na lang. Pasalamat ka dahil buhay ka pa. Pasalamat ka kasi kahit hindi ka deserving, binigyan ka pa rin ng pagkakataon.

Kaya mag-isip isip ka. Dahil hindi bottomless ang pagkakataon na yan.

Bukas makalawa, ang mga tanga, magigising din sa katotohanan.

At hindi lahat ng party, masaya. (—Third Party) #patawaLang 😛

Ok? Ok.

Kalandian Fest Generation Z 2015 (iGen/Post Millenials) wutever…

Sa panahon ngayon, mahirap nang makasiguro kung yung kalandi-an mo ay pawang nagsasabi ng totoo o jinojoketime ka lang. Shempre, sino ba naman ang tatangging landiin lalo na pag may itsura naman ito at f na f mo rin na type na type ka nito.

Maliban dito, kahit alam na alam mo naman ang background ng kalandi-an mo, cge ka pa rin sa kalandian kasi pag dumating ang di inaasahang tamang panahon, pwede mo namang isagot na, “Eh kasi di ka naman nagtanong.” O diba? Pak na pak lang.

Ang totoo n’yan, generally speaking, ang babae, hindi agad-agad nahuhulog sa patibong. UNLESS, type ka nito at laman-tyan ka, yung tipong di ka pabigat sa budget. Bagkus, siya ang makikinabang sa budget. Ay, Go!  Keribels, landian na ‘to.

O, teka…di ko nilalahat.

Pero wag na tayong magpaka-plastik. Sus, lahat naman sa panahon ngayon, alam na. Wag na tayong magpaka-mahinhin at magpaka-santa kasi ang totoo, lahat tayo, may tinatagong LANDI sa katawan. We just have to find the right person to unleash it.

It just so happen na may kilala akong expert sa panlalandi. (Excuse me friend, hindi ito compliment.) Kasi may tamang oras at panahon at STATUS ang paglalandi. At hindi ito dahil sa kaya at pwede mong gawin sa oras na gusto mo. Dahil for sure, meron ding mga tao na nagfformulate na ng mainam na paraan para pumuksa sa mga pesteng malalanding tulad mo sa mundong ito.

Yes. Kailangan na silang puksain. Pagsama-samahin at sunugin. Yung sinusunog ng buhay para mas masaya. Ayoko ng may maiiwang buhay. Hahahaha! Burn baby burn!!

O, teka ulit…hindi ako galit. I’m just speaking on behalf of them Malalandi haters. Of course, sino ba ang kakampi sa mga malalandi? Ikaw?

Sabi ko nga bago ka lumandi, magpalandi o manlandi…paki-check muna kung single ka o kung single ba yung kalandi-an mo kasi mas masarap sa pakiramdam yung naglalandian na kayong dalawa lang at hindi yung di lang pala ikaw yung kalandi-an ng nanlalandi sa’yo kasi…#KarmaIsABitch te. It’s true! Try mo nga para malaman mo.

At sa tamang panahon, it will die down. Yang kalandian mo. Kasi it’s either of the following lang yan…

  1. Mahuhuli ka ng jowa mo or ng jowa ng kalandi-an mo.
  2. Magkakaron ng mas yummy yung kalandi-an mo kaya chugi ka na.
  3. Mala-lapse ka na kasi hello tumatanda talaga tayo.
  4. Mamatay ka dahil sa kalandian mo.
  5. Mamamatay kang malanding mag-isa.

At sa tingin mo ba may seseryoso sa’yo pag nagkakilala kayong malandi ka? Well, in the long run cguro mapapaisip siya kung for keeps ka ba eh baka pag nakakita ka na naman ng yummy eh ulit-ulitin mo lang ung mga pinaggagagawa mo at mandadamay ka pa.

Eventually, lahat tayo ay maghahahanap ng peaceful na kalalagyan (hindi ito ung ikaw, ang kabaong sa sementeryo…), alam n’yo na ‘to diba? Yung safe haven. Yung pakiramdam na yung humahalik at yumayakap sa’yo araw-araw eh hanggang sa huling hantungan na. Yung sinasabi nilang ‘May Forever.’ Well, eh kung papalarin ka lang naman.

Kase hello, sino bang hindi maghahangad ng ganito? Yung iba nga nagpapakamatay at nakikipagpatayan pa ma-achieve lang yan.

Kaya ang suggestion ko lang sa mga malalandi, kung gusto niong humaba pa ang buhay nio yung tipong aabot kayo sa finish line at machu-chugi of old age or dahil sa sakit hindi dahil sa nabuo na ang formula at isa kayo sa napuksa dahil sa sobrang kalandian lang. Nakakahiya naman mamatay ng walang saysay.

Saka Karma is just around the corner –waiting. In my experience, di pa siya natatakasan. Wala siyang patawad at kung matatauhan ka kung kelan malaki na ang damage na nagawa mo, eh sorry ka na lang. #sorrynotsorry. Magdusa ka.

Ok? Ok.

Hello Friends!

Sensya na ha. Mejo ang tagal ko yata nawala. (Mejo lang daw hahaha. Joke lang.)🙊 Kasi naman bukod sa gasgas na linyang busy lang. Busy talaga ako sa buhay ko wala namang iba pang dahilan.💬

So, eto nga. Ang daming update sa buhay ni Aling Baby talaga.💃🏻 I’m sure kayo rin kaya…Way to go!! para sa ating lahat! Keep it up. Keribels!👍🏼

Pero may gusto akong ishare sa inyo…Ang secret ko.😁😬

Atin-atin lang ‘to ha?

Promise?

Cross your heart?🙅🏻

Cross it! Cross it! Hahaha!😂

Kase eto nga. Alam n’yo ba na….may superpower ako?😏💪🏼

Meron! Totoo!😎

Bahala kayo kung ayaw n’yo  maniwala. Basta meron.👅

Yung superpower ko, hindi ko alam kung dapat ko ba ikasaya o ikalungkot. At mas madalas nalulurkey ako at nagugulat na pati ako nadadamay lang.

Inaantay n’yo ba na sabihin ko sa inyo kung ano ang superpower ko?👀

Wala talaga akong balak sabihin kasi hindi ko alam kung ano ang magiging epekto nito sa ekonomiya ng bansa. :P😆

Kaya para sa mga natamaan ng ligaw na bulalakaw. Pasensya na po kayo. Minsan may mga bagay lang na nauuna na ko sa hint bago pa nangyayari. Yun lang cguro yun kaya mas maigi nang manahimik na lang.😐

Hindi ito blind item hahaha! Sabi nga sa relationship status option sa FB: It’s complicated lang. LOL.😜

Para yatang mas lalong lumabo. Hahaha! Basta yun na yun.😉☺️

Ganito na lang ang suggestion ko para sa  sangkatauhan, gawin lang natin kung ano ang makakapagpasaya sa atin habang we’re alive and kicking. Who knows baka last day mo na pala bukas or next week tapos punumpuno ka pa rin ng poot at galit kung saan-saan at kung kani-kanino. Which means, nagsasayang ka ng panahon ‘te. Merong mga bagay na sa haba ng panahon na dinededma mo or mga sitwasyon, na kung kelan napuna or napansin mo na, sign na pala yun kasabay ng mga jinx or worst….goodbye na pala. Hindi nga natin alam yan. Walang kasulatan tungkol jan.

Make the most of every day. Lalo na pag nagkaka-edad ka na. Walang ibang magiging masaya para sa’yo sa mga desisyon at preference mo sa buhay kundi ikaw kase everybody is doing the same process with their own lives. So, bakit ikaw kumekebs ka pa rin sa sasabihin ng ibang tao? Gorabels lang mga kapamilya! Go and pursue what your heart wants and desires. Life is short. Ok?

At etong sumpa este superpower na tinatawag kong power para panabla sa negativities na kapartner niya. Na kahit mas madalas na pati ako nabubukulan nito, gusto ko pa ring isipin na mas malaki ang advantage nito para sakin kasi lumalawak ang pananaw ko sa nangyayari. With mas makapit na break fluid para sa madudulas na puna. O cguro lang…baka destined lang talaga na mangyari. Nauuna lang ako kesa sa bentekuatro oras. 😂😆

Para sa mga nakakwentuhan kong nakapagshare ng mga plano at mga balak na may halong excitement…ipagpaumanhin nio po ang pagiging NR ko ano po? Ayoko lang ma-spoil ang mga ito sa simpleng comment ko ng “good luck..” -wala po akong kinalaman sa kalalabasan ha? Pls. Thanks.

O ayan, yun lang.😊 

Happy birthday po sa inyong lahat!!!🎈

Ano na ba ang latest?

new

Anim na taon.

Ang tagal na pala noh? Mula ng huli tayong nagkasama-sama. Sa totoo lang, habang nag-iisip ako kung ano ang isusulat ko, napasilip ako sa weeeyybak dekada kopong-kopong at di ko namalayang, iniisa-isa ko na ang mga pahina.

Nakakatawa. Nakakatuwa. Nakakaloka. Ambabaw lang ng mga kaligayahan natin. Nagsisimula pa lang maging haytek ang mga bagay-bagay. At sa totoo lang ulit, di matutumbasan ng ka-bigtime-an ang mga araw at panahon na kuntento na tayo sa pagtambay sa labas ng bahay, magkwentuhan, mag-inuman at magbonding. Pag sinabing ‘bonding’, hindi ito yung may obligatory photo-op para i-update sa mga social net account. Ito yung bonding na solid, walang may hawak ng cellphone at punumpuno ng kalokohang usapan. Ito yung nawawala na sa panahon ngayon.

Ang saya balikan. Kung di nga lang bigla akong tinawag ng amo ko, baka natapos ko lahat basahin. Biruin mo nung panahon na yun…

Noon: Merong brokenhearted na dumadayo sa inuman every weekend, dala ang kakulitan, baong mp3’s, tictac-toe at libreng alak at yosi habang kinukulit ang mga tao at pakalat-kalat na parang residente talaga ng bahay.

Ngayon: Matapos ang ilang trial and error, nakatagpo na ng swak na swak sa banga. Sadyang totoo nga na lahat ng hirap, sakit at lungkot ay hindi rin permanente. Makakatagpo ka rin ng laan para sa’yo sa tamang panahon.

Mensahe: Nakakamiss ka na huy. Di ko pa rin nakakalimutan yung ginawa natin sa mamahaling telepono na hinulaan natin ng maraming password kaya kahit yung may-ari di niya mabuksan. Hahaha! Nakakamiss yung kakulitan mo. Sana pag nagkaron ng pagkakataon, makapagkwentuhan ulit tayo. Pramis, ibabalik ko na yung wand mo kahit di mo na kailangan kasi, natagpuan mo na ung magic. It’s inside your fingertips hahaha! 😛

Noon: Sa Pinas pa lang, panay na ang yaya ng “Let’s Volt In!” hanggang makarating ng ibang bansa nakahanap pa ng Red-1, Blue-3, Yellow-4 at Pink-5. Umiinom kahit lasing na. Nakakatulog sa CR. Humihiga sa sahig at nagpapa-chalk. Nakakalimutan huminga ng normal. At nangyayakap pag hay na hay na sa alcohol habang nagpapasalamat na parang nanalo ng award sa Famas. At kadalasan, pinakamaayos at matinong kausap. Nagluluto para sa mga tamad magluto at magluluto pag may gusto kang ipaluto…habang shuma-shot.

Ngayon: Yung prusisyon na naudlot, sa simbahan din nagtapos. At meron nang bunga na kamukhang-kamukha ng puno. Sa tingin ko at ramdam na rin…Masaya. Fulfilled. Complete. Minsan pag malungkot tayo, akala natin bottomless kasi exagge tayo mag-isip pag malungkot. At gagawin ang lahat makalimutan mo lang yun sa kahit anong posibleng paraan. Pero ang totoo, kailangan mo lang maghintay at magpasensya. Kasi pag dumating naman ung araw na ok ka na, hindi mo na halos maalala na naging ganun ka pala kalungkot dati. Let’s just be thankful for everything and hope for the best.

Mensahe: Minsan mas masarap magkape sa labas. Try natin. Tapos kwentuhan. Gaya ng dati, yung inabot ng closing time hehe…pero di na yun pwede. Yung hanggang madaling araw pero malay natin diba? 🙂

Noon: Merong magulo at makulit. Mas madalas na makulit na maingay pag naka-volt in. Number one sa may pinakamalakas na tawang pagdating ng madaling araw paos na. Sumasayaw ng “Owa” (Owang galing, galing mong sumayaw…galing mong gumalaw…) at Ang Ganda daw niya. Pero pag normal na araw, tagabantay ng unan at kumot habang nagssenti sa kanta ni Kuya Martin at Divo. Inlab. Hinamak ang lahat.

Ngayon: Kahit hindi naging sakses ang ilan. Naghintay pa rin at nakatagpo ng isa. Akala ko at lahat, siya na. Pero hindi. Kadalasan, kung sino pa ang fanatic ng pag-ibig, sa kanya ito mailap na mailap. At kahit ilang beses nang bigo, umaasa pa rin. Idol mo ba si Wency? 😛 Naniniwala ako na merong nakalaan para sa bawat isa sa atin. At hindi daw ito hinahanap…kusa lang dumarating. Baka isang araw, makasabay mo sa traffic. Ingat lang sa fine.

Mensahe: Kapag nahimasmasan ka na sa lablyf, kita naman tayo. Seryosong usapan. Bawal tumawa. Pag tumawa, magpapainom. At pag mas malakas na tawa, may kasamang pulutan. Ok lang ba? 😛

Noon: Ang Kanin ay pinapartneran ng ulam. Naghahanap ng kapareha. May nakita. May mga nakita pero…siguro hindi pa talaga. Wala pa talaga. Naglilibang sa pagttrabaho, panonood, pangongolekta. Mag-update ng Ipod. Foodtrip. Alaktrip. Chikahan at Barkadahan. Ok na lang sa ganun.

Ngayon: Ang Kanin pa rin ang priority na mapartneran. Marami nang nawala at nadagdagan pa. 😦 Pero wala pa rin nagbago. Ganun ka pa rin. Ganun na ganun, timbang lang ang kaibahan pero ikaw pa rin. Ang pinaghalong warm-nokebs welcome na nakaka-at home. Minsan, akala ng iba malungkot pag mag-isa pero hindi. Lalo na pag napapaligiran ka ng kaibigan at mga taong nagpapahalaga sa’yo. Totoo, maiisip mo rin na kelan kaya darating ang nakalaan para sa’yo. Pero ang kaligayahan, di naman nahahanap sa iba. Masaya ka kasi kuntento ka na. Kung may darating man, salamat. Kung wala….sana meron pa rin naman hehe. 😛

Mensahe: Andito lang ang music collection ko pag kailangan mo. Wag kang mag-alala, wala nang UNO Grill na kapalit tulad ng dati hahaha. Kwentuhan lang at inom, pwede na. Yun lang ha kasi di na ko nagrrice. 😛

Noon: Sunud-sunod ang lablyf. Pag natapos ang isa, may kasunod na agad. At pag nabbrokenheart, iinom lang ng malupet at magwawala ng very-very light…bukas ok na ulit at may bago nang kinakarir. Kung sa iba, motto lang ang “Try and try until you succeed.” At yung, “Collect and collect then select the best.” – Sa kanya, seryoso yun. Ang love, ay este, True and Lasting love ang goal niyang ma-claim sa buhay. Nagamit na ang iba’t-ibang strategy at na-enhance pa nga ang mga lumang technique. Bukod jan, kung malungkot ka at gusto mong sumaya, pag siya ang kasama, walang palya. Pag nag-volt in na yung si maingay at makulit tapos eto…cguradong mag-eecho ang tawanan sa buong bahay. Alam ng lahat yan.

Ngayon: Kasabay na yata ng pagkaka-edad ang ka-seryosohan sa buhay. Minsan ang pagbabago, kala mo yun lang pero ang totoo, para kang umikot ng 360 degrees and more. Mapapa-anyare ka na lang. One of the many things you do for love. May mga kailangan kang gawin. At hindi lahat, makaka-gets. Di mo naman kailangan i-please ang lahat ng tao eh lalo na’t alam mo kung ano ang makakapagpasaya sa’yo. Try mo para malaman mo ang pakiramdam.

Mensahe: Pag nagkaron ng pagkakataon, let’s catch up. Magtawanan tayo ulit. Magpakasenti tayo kasi majonders na tayo at jojonders pa sa mga darating na taon. Ang dami na nating naipon na kwento. Magbawas-bawas naman tayo pag may time. 😛

Noon: Hanggang ngayon, yang lablyf ang panay goal ng mga tao. Kung ilang beses na may dumating kasama ng pag-asa na panay din tanong kung “sana siya na nga…” Nakailang attempt ka talaga eh, napagkwentuhan natin yan madalas. Dahil ok naman ang work kahit nakakapagod, sana meron naman kapartner na pampawala ng pagod at iyon ang wini-wish mo sa wand namin ni tictac-toe. At sa ilang taon na dumaan, marami ring pagsubok. Alam ko rin yun. Pamilya, Trabaho, Lablyf…Kaibigan. Kakilala. Pero ang atapang-atao, di natatakot. Kapit lang at positibo ang pag-iisip. Ikaw lang kilala kong ganyan.

Ngayon: Tulad ng seryoso sa buhay at tictac-toe, nakahanap ka na rin ng para sa’yo. Thank God. At ang tagal n’yo na. Happy Puso. Happy for you. Di man naging successful sa career, God is Good…alam mo yan. Still alive and kicking. At suma-shot ka na ngayon ha. Minsan ipa-experience mo naman sa’kin yang bagong talent mo. 😛

Mensahe: Pag natuloy ang catch-up with serious black, sumama ka na. Alam ko, isang tawag ko lang sa’yo pag free ka, gogorabels ka talaga. Tenks. Tenks. Tenks. Kitakits tau minsan. “I mishu.” Sabi ng ngongo na nakakita ng piso sa daan. LOL! 😛

Noon: Akala natin pag nakahanap ka na. Nagkahanapan na kayo, may forever na. Totoo na ang forever. Pano’ng di ka mapapaniwala…eh tumagal talaga kayo. Ang tagal-tagal na, nakailang palit na ng teleserye tapos kayo pa rin. Naka-graduate na ng elementary at hayskul yung mga bulinggits na kapitbahay nyo tapos kayo pa rin. Nakailang jowa na yung ilang kabarkada nyo tapos kayo pa rin. Tapos sabay ayan biglang wala na kayo. 😦 wala palang forever. Katulad ng mga bagay na nag-eexpire. Mga istoryang umaabot sa the end. Mga karerang andun na sa finish line. Ganun talaga. Minsan ganun lang talaga. May mga nangyayari na di mo inaasahan. Mga nangyayari na di mo inisip na pwede palang mangyari.

Ngayon: Nangyari na ang nangyari. Tapos na. At parehong nakapagsimula na ng panibago.

Mensahe: Kung naniniwala kaung may forever, eh di wag kayo maghiwalay. Kapit lang. 😛

Opinyon ko lang naman…

cat opinion

Sabi nila, hindi naman masama ang umopinyon in general sa mga bagay-bagay. Yan ang pribilehiyo ng mga utak at bibig natin sa gitna ng mainit na pag-uusap. Pero hindi nagkakahulugan na ang mga ito ay TAMA at KARAPAT-DAPAT na pakinggan. Lalo na para sa mga taong alam naman ang kanilang ginagawa/walang pakialam sa mga opinyon na ito.

Dalawang klase lang ang alam kong mga ganito.

  1. Harapang opinyon (parang yung sa Face to Face).
  2. Patago, pasimple o pa-traydor (ang hard…) na paraan.

Yang Face to face na paraan, kadalasan yan habang nakasalang ka sa ‘hotseat.’ Cornered ka na. Tapos on the spot na aabangan ang reaksyon mo. Kung katulad ka ni Aling Rowena-Katipunera, direchahan kang sasagot, ke pabalang man yan o direktang sagot na, “Eh di ibig sabihin, wala kang ginagawa kundi abangan ang mga ginagawa ko?”Boom! Chismosa! LOL!

Yang mga patago naman. Laman yan nga mga Chat Apps. Alam n’yo yan!!! Alam natin yan. Yan ang mga opinyon na minsan below to the low the belt na tirahan na yan. All out. Eh kasi, yung topic, busy sa buhay at walang kaalam-alam sa mga pangyayaring nagaganap pero di rin natin alam na baka busy rin pala siya sa kahihimay ng opinyon niya sa mga buhay n’yo hahaha! Life is just fair sometimes.

Wag na tayo magtaka, peeps. Kasama yan sa ecosystem. Pag wala na kasi ang chismisan at kutuhan (as we call them during the old times), eh walang saysay ang buhay mo. Kaya pag hindi ka napag-uusapan, magtaka ka na.Biruin mo, sa dinami-dami ng chismosa sa mundong ginagalawan mo, wala man lang kahit isang nagkainteres na pag-usapan ka. Diba? How uninteresting and worthless can you get?

Pero di ko rin naman sinasabi na i-enjoy mashado ang fact na pinag-uusapan ka ng mga tao. Lalo na kung, 1. Di ka naman Artista. 2. KSP ka. 3. F na F mo pag pinagbubulungan ka. 4. Wala kayong kapitbahay. 5. Ibang lahi yung mga kapitbahay mo kasi obviously, di naman kayo magkakilala.

Minsan, aminin natin na mahirap lunukin ang katotohanan na somehow sa mga narinig mong facts ay totoo naman. Well, sino ba’ng gusto makarinig ng pangit na katotohanan?

Gosh, tapos maririnig pa ng ibang tao…eh pano kung maniwala sila???

Hahaha! Eh pano kung alam na rin naman nila? Tapos ikaw na lang ang in denial. Eh di WOW.

Sabi nga nila ulit, kahit ilang beses mo linisin ang harap ng bahay mo, loob, labas, pati kasuluk-sulukan ng mga ito…kung yung may ari, di naliligo! Eh di malinis ang bahay niya. Go figure.

Wag din natin kalimutan yung mga ibang panira ng moment. Tipong ang saya-saya mo. Good vibes. 11:11. Ikaw ang Bida sa Primetime Bida. Sabay magccomment ng “Three months na lang ngayon ang bumibida sa Primetime.” –Which means, di ka bida for life. Diba? Porket, di siya ang bida, kailangan pareho kayo. Ayaw mo shempreng isipin na hindi siya genuinely happy para sa’yo pero pwede mo naman na ipaniwala sa kanya na na-appreciate mo ang pang-eeps niya sa moment mo. Quits na lang kayo. 😉

May mga tao na mahilig ibagay ang karanasan nila sa iba na parang damit na kapag bagay sa kanila, for sure, bagay din sa’yo yan. Kaya maniwala ka na. Hahaha! Eh di WOW ulit! Porke-porke? Magtayo ka na ng Consultancy firm hahaha kung gayon.

Maraming klase ng mga tao. Marami ring klase ng approach. At marami ring klase ng paraan para unti-unting mawala ang mga masasamang elementao sa masayang kalmadong mundo. Pwede mo naman silang intindihin pag bored ka tapos nun tuloy ulit ang buhay.

Anyway, buhay mo talaga yan eh. Obviously, ikaw na’ng bahala d’yan. Diba?

Vs.

argue

Hindi ito acronym for Victoria’s Secret. Ito yung nilalagay sa pagitan ng dalawang tao o grupo na pinaglalabanan ang 1st Place at Grand Prize, House & Lot at Brand New Car.

Diba ang sarap sa pakiramdam kung may premyong ganyan sa pinaglalabanan? Bayad ang pagod at hirap at effort. At hindi yung nakakahiya naman kesa masayang lang mga ito sa wala.

Eh pano pag prinsipyo ang pinapagitnaan ng VS. na yan? May katapusan nga ba ang usapan na ito lalo pa’t parehong hindi magpapatalo para maipakita ang kahalagahan ng “Prinsipyo” na siyang ipinaglalaban? Hindi ba’t ang premyo n’yan ay Sakit sa Bangs? At sama ng loob na nauuwi sa mas lalong hindi pagkakaunawaan?

Masarap manalo. Oo, sino ba’ng ayaw manalo? Ke Lotto, Raffle, Bingo, Color Game kahit sa pustahan pa nga. Mas lalo na cguro sa mga diskusyunan. Wow, kay sarap manalo d’yan. Heaven ‘yan. Lalo na sa mga mga ma-Pride d’yan. Yan ang ika nga’y Cherry on top. I won! I’m Great! I’m the Best!

Eh di WOW.

couple-arguing-2

Ang sarap manalo talaga, lalo na kung ang goal mo sa usapan ay ‘Manalo’ lang without even listening or even hear what your “kalaban” has to say. Bira lang ng bira. Bato lang ng bato ng point. 10 points! 20 points! 30-50 points! Eh ang goal nga manalo lang. Kaya ang siste, ang diskusyunan, nauwi na lang sa contest. Family Feud. Deal or No Deal. Laban o Bawi?

Ang tanong dito: NAGKAINTINDIHAN BA KAYO? Na-gets mo ba yung sinasabi nung kausap mo? Pinakinggan mo ba talaga? O sadyang focused ka lang sa susunod na batch ng point mo? Eh teka…gusto mo ba talaga na ma-absorb niya yung mga sinasabi mo o dedma na lang? Kasa ulit.

Ang hirap kasi sa dalawang magkausap na hindi magkasundo, imbes na makinig, nagreready ng isasagot. Kaya tuloy kung saan-saan na napupunta ang usapan. Nawawala na dun sa subject. Minsan, umaabot na sa mga hindi kasali tulad nga ng mga tapos na dapat sana, tapos na. Labo-labo na lang. Mauwi na lang sa giyera. O siya sige kahit wala nang premyo basta magkaunahan na lang.

Siguro hindi naman ito yung kung sino ang dapat na magpatalo o sino yung mas may “K” manalo. O dahil kasi palagi ka na lang nananalo sa usapan, dapat ako naman, mga ganyan. Kasi una sa lahat, hindi naman ito Contest. Hindi naman ito labanan kung sino ang magaling sa debate. Hindi naman dapat mauwi sa mas malabong usapan. May isyu diba? At dapat ang goal n’yong dalawa, ma-bull’s eye yung isyu and not the other way around…kayo ang na-bull’s eye ng isyu n’yo. Ano ngayon kayo?

Kaya nga sinasabi nilang, Two heads are better than one eh. Pagtutulungan n’yo ang mga hindi pagkakaunaawan. Hindi yung nilamon na kayo ng sarili n’yong isyu. Kasi sa kadulu-duluhan, ano ba ang naayos? Di’ba’t naging magulo lang? Masaya ba?

Normal lang paminsan-minsan, makakaencounter ng ganyan. Hindi yan dapat tingnan as problema. Pagkakataon yan para mas lalong yumabong ang pagsasama. Ang misyon n’yo, gawan ng solusyon at pagtuwangan na malampasan yan kasi d’yan mo makikitang nagmamature ang samahan eh. May kanya-kanya man tayong opinyon sa mga bagay-bagay, hindi rin ito hadlang para mas maiayos. Dapat may respeto at malawak na pang-unawa sa bawat isa. Mahalaga yun. At napakasarap sa pakiramdam yung i-welcome ang parehong opinyon. Kase hello, sinu-sino lang ba ang magkakaintindihan sa mga bagay na yan bukod sa inyo? Kayo pa rin.

Mas marami pang ganyan ang darating.

At kung nagkakaunawaan, balewala lang yan lahat sa inyo.

Gorabels lang.

Finger-couple-love-in-high-quality-free-nice-hd-wallpaper