Aling Baby: search engine terms

Sa kadahilanang wala akong magawa sa buhay ko nitong mga nakaraang araw, halina’t silipin ang search engine terms ng aking blog na naglalanding dito kay Aling Baby kahit wala naman akong ganyang topic or entries. Ewan ko nga kung bakit. At since, wala nga akong magawa…tatry ko lang maging sagot sa mga anik-anik  na naiisip ninyong hanapan ng kasagutan.

  • Ano ang ibig sabihin pag ang butiki ay kumanta?

Butiking kumakanta? Dalawa lang naman ang dahilan kung bakit ka napapakanta. Una, inlab. Pangalawa, sawi.  Pero teka,  wala pa talaga akong nakikitang butiki na kumakanta. Malamang kung makakita man ako, kundi ako mapahiyaw sa takot, baka magtatakbo akong palayo pag nagkataon.

  • Mensahe para sa mga taong plastik.

Ahhmm…sana  apoy na lang ako para kung sakaling madikit ka sa’kin, chak un…tunaw ka beybeh!!

  • Ano ang gagawin kapag nahiwa ng kutsilyo?

Malamang kung nahiwa ng blade alam mo ang solusyon noh ‘teh? Kasi sa pagkakaalam ko, iisa lang naman ang remedyo ng nahihiwa. –ahhm, ginagamot?  Try mo teh kahit late na ko nakasagot.

  • Masama ba kumain sa may higaan?

Eh wala naman masama kahit san mo gustong kumain. Yung iba nga panay kain sa labas. Basta ang alam ko kasi pag kumakain sa higaan, ayaw mamigay ng ulam. Wag kang magsolo, ishare mo naman yan.

  • Message para sa mga kaaway na ayaw akong tigilan.

Ahhmm… “Pwede ba like haller, tigilan n’yo na ko? As in? Pwede??” – ok na siguro yan teh. Try mo na.

  • Mga saying about sa mga taong hindi nakakaalala ng birthday mo.

Grabe naman, pati talaga mga hindi nakaalala ng birthday mo teh kailangan hanapan ng saying? Ganito na lang, para makabawi ka…sa birthday nila, wag mo din alalahanin. Quits na kayo nun.

  • Paborito ko ang pag uwian na.

Ayy naman…paborito ng buong mundo yang paborito mo teh, di ka nag-iisa!!

  • Ano ibig sabihin ng tiktik ng butiki sa gabi sa kwarto?

Alam mo, ang dami talagang nagtatanong nito eh. Bakit ba kasi gusto n’yong malaman kung bakit tumitiktik ang butiki? Eh talagang yun lang ang alam nilang gawin sa buong existence nila bukod sa maglakad at maghanap ng makakain na insekto along the pader and all. Bakit ba kailangan natin sila pakialaman? (haaayy, nahayblad…)

  • Walang ibang makatulong sa problema mo kundi ikaw lang.

Uy in fairness, anjan ang google. Yung mga pwedeng utangan. Drinking buddies. Shopping buddies. Ang dami naman eh, wag mo na lang solohin para di ka na maging mashadong problemado.

  • Magandang mensahe para sa kaibigan na pinag nakawan ka.

Pambihira, at nakuha mo pa talagang maghanap ng “magandang” mensahe matapos kang pagnakawan. Isa kang banal! Poon! Mabuhaaayyy!!

  • Ano ibig sabihin nang nangangati ang kilay?

Pag sa kamay kasi, magkakapera daw. Pag paa, gustong maglamyerda. Pag sa ulo, malamang kuto or balakubak. Since, magkalapit lang naman sila ng kilay, malamang may nakatawid na kuto. Chak un!

  • Pwede bang gupitan ang buhok pagkatapos irebond?

Naku teh, pwedeng-pwede. Pwede mo pa talaga ipasagad ng bob cut kung talagang di ka nanghihinayang sa pinambayad mong pang-rebond.

  • Sakit ng taong nagagalit ng walang dahilan.

Malamang sakit sa puso. Kung palagi talagang mahahayblad sa konting bagay. Naku, painumin nga ng malamig na tubig para kumalma.

  • Quotes para sa kaibigan na buntis na hindi nagpapakita.

Talagang usung-uso ang quotes eh, kahit saan talaga gustong gawan ng quotes.  Malamang teh, magpapakita yun pag nakapanganak na. Meron nga kaming kaibigan sabi niya, may tumor siya sa chan. Ayun, yung tumor niya, Grade 3 na at bibong-bibo talaga! 😆

Eto naman parang fill in the blanks ang datingan. Nabitin talaga ako eh.

Kung ayaw mo pag isipan ka ng masama – – hmm…magpakabait ka parang si Santino. Ganyan.

Wag mong pilitin ang ayaw baka – – biglang pumayag hehe..

Ang tao nga naman pagkatapos mong tulungan – – di man lang makuhang mag-thank you? Hayy nga naman..

Kung nahihirapan kang – – eto talaga kakabitin much. Marami kasi talagang pwedeng idugtong dito eh. Kung nahihirapan kang huminga, may hika ka. Kung nahihirapan kang tumayo, ayy rayuma yan.  – –  sayang naman kasi di natapos, baka nag time’s up na sa internet shop.

Ano ang mabisang pangtanggal ng – – alin teh? Maraming mabisang pantanggal ng mga bagay-bagay basta’t alam natin kung ano yan.

Eto naman, mga seryoso mashado. Nanenermon much. May pinagdadaanan lang eh. Tulungan na kita teh? Mabigat ba mashado? Marami dito pwede makibuhat nyan. Buhatin na ‘yan.

Huwag mong pakialaman ang buhay ng may buhay. (Oo nga naman, mga pakelamero kayo…)

Wag pag pilitan ang sarili sa hindi ka mahal. (Pag pinilit mo, kawawa ka naman. Marami namang iba jan.)

Ganyan talaga ang tao,palaging may sasabihin at sasabihin na hindi maganda sayo. (Puro talaga hindi maganda ang napipili nilang sabihin. Hmmp, makapagsabi lang talaga eh.)

Hindi naman dapat lahat kailangan pang sabihin. ( Oo, yung iba kasi pwede ring gawin na lang. Mas makatotohanan pa ‘yun kesa sa sinasabi.)

Ayan, in fairness naaliw talaga ako palagi pag tumitingin ako ng stats. Minsan, natatawa na lang ako sabay cartwheel (pag nasa bahay lang) pag nakakabasa ako ng mga kakaibang search terms. Patunay lang talaga na maraming naliligaw sa blog ko sa paghahanap ng kung anu-ano sa web.

Pero di pa rin ako makarekober sa “Tiktik ng Butiki”, dapat talaga magkaron na ng Saligang Batas na pagbibigay ng ‘right to privacy’ ng mga butiki at hindi para palagi na lang alamin kung ano ang dahilan kung bakit nila yun ginagawa sa umaga, gabi, madaling araw, may patay, habang kumakain, habang naliligo atbp. Give them peace. 😛

O, siya…weekender ko na lang yan sa inyo.

🙂

Naman!!!

Nakikisabay talaga ang weder dito sa buhay pag-ibig ng mga tao – natutuyot sa sobrang ineeet! Winter, come back! Joke lang nung sinabi kong gusto ko na’ng mag-summer. Please, bumalik ka na…

Lahat na lang pinapakiusapang bumalik.

Bumalik na nga tayo sa lablyp ng mga tao dito.

Lume-level na kasi ang ratio ng mga hiwalayan sa nagkakabalikan. Teka, wala pala akong nabalitaang may nagkabalikan. Puro hiwalayan lang ang headline ngayon.

Minsan nga, kahit di ka makiuso, naiinggit ang lablyp mo at kusang nawawala sa’yo. Magic lang? –Ayaw kasi mawala sa trend.  Pero in fairness, marami pa rin namang namamayagpag na relasyon (kudos to them! – – hmm, wag makikiuso sa hiwalayan…). At shempre, meron pa ring mga nangangarir jan sa tabi-tabi at naghihintay lang ng tamang pagkakataon. (Good luck sa inyo!)

Para naman sa mga bitter at may mapapait na nakaraan…nanjan ang alak na kasimpait naman pero di sing mahal. Masasanay din ang mga lalamunan n’yo sa mapait na sitwasyon pero alam naman nating lahat na tatamis din yan ulit na parang di nakatikim ng pait.

That’s life. Parang gulong na pagkalaki-laki. Kasi pag may problema ka, feeling mo ang tagal mo sa ilalim at eksayted much ka nang mapunta sa ibabaw pero naman pag masaya ka, feeling mo rin ambilis ng phasing at biglang nasa ilalim ka na naman.

Walang katapusan ang ikot ng mundo hangga’t buhay ka. Kasama ka sa cycle whether you like it or not at weder-weder lang ang lahat ng bagay. Kaya kung masaya –magpakasaya at pag malungkot –magpakalungkot?? –hinde, magpakatatag. Yan ang tamang term d’yan.

Walang mahirap na di kayang lampasan. Walang masakit na di nalulunasan. At bottomless ang luha natin kaya wag kang mahiyang ipakita ang kahinaan paminsan-minsan. Kasama sa buhay lahat yan…kasi nga buhay ka at patuloy na matututo, magbabago, babangon (at dudurugin ang mga lumapastangan haha joke lang..)…mabubuhay kasi masarap mabuhay. Di ko pa kasi na-try mamatay pero yung pakiramdam na may parteng namatay sa katawan mo, ayuuunn pwede pa. Na-feel ko na yun at masakit pala.

Isipin mo na lang na may magandang mangyayari bukas. Pawang magagandang bagay lang (wag naman ung OA kasi baka mabaliw ka naman…ibang kaso na naman yan. Yung steady lang.), wag na isipin ang tapos na, para ano pa? Makakadagdag lang yun sa mabigat na batong nakadagan sa’yo. Actually, ikaw talaga ang nagdagan ng bato na ‘yan eh, naghahanap ka lang ng audience para ipakita mong “Ayan ang batong nakadagan sa’kin, ambigat diba? Di na kaya ako makahinga…” –pero ayaw mo naman alisin. Ikaw na ang mag-alis, cge na, wag ka na mahiya…para makahinga ka na ulit. At wag mong kakalimutang magsmile. 🙂 ayan ganyan…

Sabi nga ni Kuya Gary V. “Kay tagal mo mang mawala, babalik ka rin. Babaliiiiikk—-at babalik ka rin ka riiiiiiinnn!!!” – Sabihin mo yan sa saya’ng nawala sa’yo at sa isip mong nagpasyang mamashal muna. Pag napagod yan, babalik din yan ulit kung san talaga siya nararapat.

Aja!!

Eto na…

Ayan, eto na ang bagong post ko. Alam ko, nakaabat ka palagi kung nagpost na ‘ko. Gusto mo bang topic ngayon ay tungkol sa’yo? Gusto mo bang ikaw naman ang pag-usapan natin sa blog ko??

Wag na. Sayang ka lang sa effort. At sayang lang ang kaunting nalalaman ko sa pagsusulat kung gagawin ko pang isama ang existence mo sa blog ko.

Katulad ng maraming tao, hindi ako madasaling tao. Pero may takot ako kay Kuya Jesas, Papa God at Mama Mary. Siguro nga, di na ako aabot kahit sa gate pa lang ng langit (di gaya mo na siguradong sure na sure, wagas na sure na pasok ka sa kaharian ng kalangitan) dahil wala pa ko sa gate, pinapagalitan na Nila ako.

Nakakaalala lang pag may problema. Pag di na kaya at wala nang mas matibay pa na kakapitan. Di naman ako ipokrito. Nagpapakatotoo lang ako. Ayoko kasing mapabilang sa mga taong dasal nga ng dasal pero wagas din kung makahusga ng ibang tao. Bakit, tingin ba nila sa sarili nila – – santo?

Pero kahit papano, sure pa rin ako na mahal nila ako. At walang katapusan ang pagbibigay ng pagkakataon para magbago. Hindi tulad ng iba na akala mo’y Hukom-Bitay kung magpataw ng final judgment. Sino ka ba?

Siguro nga, para sa mga nagpapakatotoong tulad ko…para sa kanila, kailangan ko na ng pray-over. Yung Holy Spirit na babalot sa pagkatao ko dahil nasa lupa pa lang ako, meron nang mga taong updated sa bilang ng mga kasalanan ko. (Nakakailan na ba ako St. Whoever You Are? Paki-update naman ako cause I lost count na eh..)

At sigurado rin ako na habang binabasa niya ang post na ito, dagdag na naman ito sa bilang ng mga napakaraming kasalanan na nagawa ko sa buhay ko. Iba ka talaga. Marami ka na naman masasabi nyan. Aabangan ko na lang kung kaninong hulog ng langit na magbibigay ng mabuting balita.

Minsan, kailangan natin tatandaan at nararapat na isaksak nating maigi sa mga isip natin – na may mga taong kahit gaano pa kaganda ang itsura, kahit gaano pa ka-santo ang pag-uugali, kahit pakitaan mo ng maaayos o pakitunguhan mo ng naaayon sa nararapat (to be fair naman…) –may araw na makikita mo pa rin ang dapat na makita at ganito na lang ang masasabi mo….

“Ahhh ok…”  -Yan lang, sapat na. Wala ka nang ibang masasabi kasi speechless ka na eh. Pag may nasabi ka pang di maganda, dagdag na naman yan sa kasalanan mo sa mundo and for sure, ayaw mo nun diba? Basta yun lang.

O, ayan…pagpiyestahan mo na ulit ang laman ng blog ko. Ikalat mo sa buong sangkatauhan at ipagmalaki mo kung gaano katibay ang pananampalataya mo. Kung yan ang makakapagpasaya sa kaluluwa mo.

God bless you.

=)

Yung feeling na akala mo hindi ka na makakatawa ulit katulad ng dati.

Marami mang bagay ang nangyayari ngayon sa buhay, masarap pa rin isipin na meron pa ring nakakapagpasaya sa’yo.

Yung taong gusto lang ibalik ang saya’ng nawala sa’yo ng matagal.

Aba, hindi biro ang magmukmok at solohin ang pagbuhat sa buong mundo na balikat lang ang gamit. Haller! Ambigat kaya nun! At wala siguro akong plano’ng magtagal sa ganung sitwasyon.

Minsan, kailangan lang nating isipin na lahat ng bagay ay may katapusan.

Lahat as in lahat!

At kung may mga ibinato man sa’yo at na-bull’s eye ka, pasalamat ka na lang –pero sana hinintay ka man lang humarap. Pero hindi. Ok na lang din.

Lahat naman tayo ay may kahinaan at may takdang panahon kung saan ka babagsak pero dun ka rin tatayo…kung saan ka bumagsak.

Hindi ako naghahangad ng magarbong salubong. O yung tinatawag nilang banda’ng nag-aantay sa muling pagbabalik. Tama na siguro yung alam mong hindi nawala ang totoong malalim na turingang nawala ng minsang napatunayan mong isa ka palang mortal. Ok na yun.

Sana simula na ito ng mahaba pang yugto ng lakbay.

Di naman mauubos ang bukas at hangga’t di pa tapos ang misyon mo sa buhay, bukas gigising at gigising ka pa rin para makapag-umpisa.

Bagong yugto.

Thank God.